شہبازشریف سے مذاکرات ۔۔وزیراعظم نے ایسا کوئی بیان نہیں دیا،شیخ رشید

(24نیوز)وفاقی وزیرداخلہ شیخ رشید احمد نے کہا کہ شہباز شریف سے مذاکرات کے حوالے سے وزیر اعظم کا ایسا کوئی بیان نہیں آیا ہے۔
تفصیلات کے مطابق میڈیا سے بات چیت کرتے ہوئے شیخ رشید احمد نے کہا کہ ہم نے 86 ہزار جانوں کی قربانی دی ہے امن کے لئے مزید قربانی دیں گے۔انہوں نے کہا کہ ممتاز عالم دین مولانا مفتی محمد تقی عثمانی سے کراچی میں ملاقات ہوئی ہے اور کئی اہم امور پر بات ہوئی ہے ان سے مشورے بھی لئے اور انہوں نے وزیر اعظم عمران خان کے لئے پیغام دیا ہے۔ وفاقی وزیر داخلہ نے شمالی وزیرستان میں ایف سی کے جوانوں پر حملے کو افسوسناک قراردیتے ہوئے کہاکہ دہشت گردوں کی بزدلانہ کارروائیوں سے ہمارے حوصلے پست نہیں ہونگے۔ انہوں نے کہاکہ آئی ایم ایف ور ورلڈ بنک کے ساتھ وزیر خزانہ رابطے میں ہیں۔وفاقی وزیرداخلہ نے کہاکہ جو پاکستان کے آئین و قانون کو تسلیم کرے گا اور ہتھیار پھینکے گا ان سے مذاکرات کریں گے ڈالر کو ہولڈ کرنے والوں کے خلاف ایف آئی اے کو کاروائی کی ہدایت کردی گئی ہے۔
یہ بھی پڑھیں:نامور بھارتی اداکار کے والدانتقال کرگئے