بجلی کے بلز سے پریشان عوام کیلئے خوشخبری

Aug 03, 2022 | 16:13:PM
بجلی بلز،فیول ایڈجسمنٹ،قیمتیں،قومی اسمبلی
کیپشن: پارلیمانی سیکرٹری کا بجلی کے بلوں میں اضافی فیول ایڈجسٹمنٹ چارجز زیادہ وصول کرنے کا اعتراف/ فائل فوٹو، گوگل سورس
Stay tunned with 24 News HD Android App
Get it on Google Play

 (ویب ڈیسک) پارلیمانی سیکرٹری برائے بجلی نے یقین دہانی کرائی ہے کہ اگلے ماہ سے بجلی کے بلز میں فیول ایڈجسٹمنٹ چارجز کم ہونا شروع ہوجائیں گے۔

بجلی بلوں پر فیول پرائس ایڈجسٹمنٹ کی اضافی رقم کے خلاف توجہ دلاؤ نوٹس قومی اسمبلی میں پیش کیا گیا۔ نوٹس جماعت اسلامی کے رکن مولانا عبدالاکبر چترالی نے پیش کیا۔

 یہ بھی پڑھیں:عمران خان کی اچانک پاکپتن آمد، دربار بابا فرید پر حاضری

مولانا عبدالاکبر نے کہا کہ چترال میں ایک بل 2500 روپے کا آیا ہے جس میں 1800 روپے فیول ایڈجسٹمنٹ چارجز لگائے گئے ہیں، بجلی کمپنیاں ہر ماہ فیول ایڈجسٹمنٹ کے نام پر بھاری بھرکم رقم اینٹھ لیتی ہیں۔

پارلیمانی سیکرٹری بجلی نے جواب دیا کہ یہ درست ہے بجلی بلوں میں اضافی فیول ایڈجسٹمنٹ زیادہ وصول کیا ہے، اگلے ماہ سے فیول ایڈجسٹمنٹ چارجز کم ہونا شروع ہوجائیں گے، اگر فیول ایڈجسمنٹ سرچارج وصول نہ کریں تو سرکلر ڈیٹ بڑھ جائے گا۔

جی ڈی اے کی رکن قومی اسمبلی ڈاکٹر فہمیدہ مرزا نے بھی کہا کہ غریب لوگوں کی مختلف بجلی ٹیکسوں سے کمر توڑی جا رہی ہے، کراچی کے عوام کے لئے بجلی مزید زیادہ مہنگی کر دی گئی ہے۔