اسلام آباد :کورونا وائرس کی صورتحال بہتر، پابندیوں میں نرمی

 (24نیوز)وفاقی دارالحکومت میں کورونا وائرس کی صورتحال میں بہتری کے بعد پابندیوں میں نرمی کردی گئی۔

تفصیلات کے مطابق ضلعی انتظامیہ کی جانب سے شہر میں واٹرپارکس، سوئمنگ پولز اورتفریحی مقامات کھولنےکا نوٹیفکیشن جاری کردیا گیا ہے۔نوٹیفکیشن کے مطابق شہر میں تمام تفریحی مقامات پر 50 فیصد افراد گنجائش کی اجازت ہوگی تاہم سوئمنگ پولز اور پارکس ہفتے اور اتوار کو بند رہیں گے۔

ذرائع کے مطابق نوٹیفکیشن میں کہا گیا ہےکہ  ان ڈور فوڈ کورٹس اور ڈائن ان کی اجازت نہیں ہوگی جب کہ تفریحی مقامات پرایس او پیز پرسختی سے عملدرآمد یقینی بنایا جائے گا۔

 یہ بھی پڑھیں:    پنجاب میں تفریحی پارکس کھولنے کا فیصلہ