آج کا پکوان: سپیشل فرائی فش

(ویب ڈیسک) آج ہم آپ کو سپیشل فرائی فش  گھر پر بنانے کی آسان ترکیب بتا رہے ہیں، ملاحظہ کیجئے۔

درکار اجزا: مچھلی ایک کلو (فرائی کرنے کے لئے ٹکڑے بنوا لیں) لال مرچ پسی ہوئی ایک بڑا چمچہ یا حسب ِ ذائقہ، نمک حسب ِ ذائقہ۔

 پسا ہوا لہسن ۲؍ بڑے چمچے، سرکہ ۳؍ سے ۴؍ بڑے چمچے، اجوائن ایک چھوٹا چمچہ (باریک پاؤڈر یا پیسٹ)، بیسن آدھا پاؤ، آئل حسب ِ ضرورت۔

بنانے کا طریقہ: سب سے پہلے مچھلی کو نمک اور سرکہ لگا کر ۱۵؍ سے ۲۰؍ منٹ کے لئے رکھ دیں اور پھر اچھی طرح دھو لیں۔

 اب لہسن، اجوائن، نمک اور مرچ کو اچھی طرح مچھلی کے ٹکڑوں پر لگا دیں۔

 اب ایک بڑی پلیٹ میں مسالہ لگی مچھلی کے ٹکڑے اس طرح رکھیں کہ ٹکڑے آپس میں جڑے رہیں۔

 اب مچھلی کو کم از کم ۲؍ گھنٹے کے لئے فریج میں میرینیٹ ہونے کے لئے رکھ دیں، تاکہ مچھلی کا زائد پانی نکل جائے۔

 اب بیسن میں حسب ِ ذائقہ نمک اور تھوڑی سی پسی ہوئی لال مرچ ملا کر آمیزہ بنالیں۔

 زیادہ گاڑھا آمیزہ نہ ہو۔ آئل گرم کرکے مچھلی کے ٹکڑوں کو بیسن میں ڈبو کر درمیانی آنچ پر دونوں طرف سے گولڈن براؤن فرائی کرلیں۔