خواتین خوبصورتی یا باورچی خانے تک محدود نہیں, ثانیہ مرزاکا پیغام
Stay tuned with 24 News HD Android App
(ویب ڈیسک)بھارتی سابقہ ٹینس سٹار ثانیہ مرزا کو ان کی صلاحیتوں اور کارناموں کی وجہ سے بہت سے لوگ ایک رول ماڈل کا درجہ دیتے ہیں، انہوں نے معاشرے میں خواتین کے کردار کو خوبصورتی سے بیان کردیا۔
اگرچہ دنیا بھر میں خواتین تمام تر سماجی رکاوٹوں کو عبور کرتے ہوئے مختلف شعبوں میں اپنا لوہا منوا رہی ہیں، لیکن جنوبی ایشیائی ممالک میں اب بھی معاشرہ خواتین کو محدود کردار میں ہی دیکھتا ہے۔
37 سالہ سابقہ خاتون کھلاڑی کا ماننا ہے کہ خواتین صرف خوبصورتی یا باورچی خانے تک محدود نہیں ہیں۔
فوٹو اینڈ ویڈیو شیئرنگ پلیٹ فارم انسٹاگرام پر اسٹوری شیئر کرتے ہوئے ثانیہ مرزا نے اپنے خیالات کا اظہار کرتے ہوئے کہا کہ خواتین اس سے کہیں زیادہ ہیں جو معاشرہ انہیں بنانا چاہتا ہے۔
بیک وقت ماں اور مشہور شخصیت کا کردار نبھانے والی ثانیہ مرزا نے انسٹا اسٹوری میں اپنے ایک انٹرویو کا اسکرین شاٹ شیئر کیا ہے جس میں ان کا بیان درج ہے، ان کے خیال میں خواتین سے صرف یہ امید نہیں کرنا ہے کہ وہ خوبصورت نظر آئیں اور کھانا پکائیں، بلکہ وہ اس سے کہیں زیادہ کر سکتی ہیں۔
یہ بھی پڑھیں:باکسنگ یوتھ ورلڈ چیمپئن عثمان وزیرنے 13ویں انٹرنیشل فائٹ کا اعلان کردیا
واضح رہے کہ بھارتی سابقہ ٹینس کھلاڑی ریٹائرمنٹ کے بعد ان دنوں اپنے 6 سالہ بیٹے اذہان مرزا ملک کی پرورش کے ساتھ ساتھ مختلف کمرشلز میں بھی نظر آ رہی ہیں۔