کراچی سے جدہ جانیوالے سعودی ایئر لائن کے طیارے میں آگ لگ گئی، ہنگامی لینڈنگ

(24 نیوز)کراچی سےجدہ جانے والی سعودی ائیرلائن کا طیارہ حادثے سے بال بال بچ گیا۔

ذرائع کے مطابق کراچی سےجدہ جانے والی سعودی ائیرلائن کے طیارے کے ٹیک آف کرنے کے  چند منٹ بعد ہی کپتان کو طیارے میں تکنیکی خرابی محسوس ہوئی جس کے بعد طیارے کی کراچی میں ہنگامی لینڈنگ کروائی گئی۔

مزید پڑھیں:حج 2026 کی رجسٹریشن کا آغاز کل سے ہو گا

 ذرائع کا بتانا ہے کہ  سعودی ائیر لائن کاطیارہ کراچی سے جدہ جارہا تھا  جس  میں 200 سے زائد مسافر سوار تھے۔

ذرائع کے مطابق  پرواز کے کچھ دیر بعد ہی طیارے کے انجن میں آگ کی وارننگ آئی جس کے بعد ہنگامی لینڈنگ کیلئے اے ٹی سی نے  رن وے کو خالی کرواکر طیارے کو لینڈ کرایا۔

ذرائع کا بتانا ہے کہ  سعودی ائیرلائن کے طیارے کے معائنے کیلئے  انجینئرنگ ٹیم کو طلب کرلیا گیا ہے۔