راولپنڈی کو لاہور نہ بنا دیا تو میرا نام شہباز شریف نہیں

(راﺅ دلشاد)مسلم لیگ ن کے صدر شہبازشریف کاکہنا ہے کہ 8 فروری کو شیر کے شکار کا لگ پتہ جائے گا،8 فروری کو شیر پر مہر لگائیں،وعدہ کرتا ہوں کامیاب ہو کر راولپنڈی کو لاہور نہ بنا دیا تو میرا نام شہباز شریف نہیں۔
راولپنڈی میں لیاقت باغ میں ن لیگ کے جلسے سے خطاب کرتے ہوئے شہبازشریف نے کہاکہ لیاقت باغ کی تاریخ ہے کہ یہاں بے نظیر بھٹو نے جمہوریت کی خاطر قربانی دی،ان کاکہناتھا کہ میاں نواز شریف نے جو وعدے کئے پورے کئے،شیخ حرم نے راولپنڈی میٹرو کی بس سروس کی بھرپور مخالفت کی تھی،ہمارے بعد جو لوگ آئے انہوں نے صرف گالم گلوچ کی ،ہماری حکومت بنی تو راولپنڈی کو بلیو ٹرین بنا کر دیں گے، حنیف عباسی کے کہنے پر راولپنڈی میں دل کے امراض کا ہسپتال بنا،میں نے راولپنڈی میں بذریعہ جہاز سٹی سکین منگوا کر مہیا کی۔
صدر ن لیگ کاکہناتھا کہ رنگ روڈجلد مکمل کیا جائے گا تیس ارب سے پانی کا منصوبہ مکمل ہو گا ،تیس ارب کے منصوبے کی منظوری بھی میں نے دی،ان کاکہناتھا کہ آئی جے پی روڈ پربجلی سے بسیں چلائی جائیں گی،مری میں لینڈ سلائیڈنگ کو ختم کرنے کیلئے کام کیا
شہبازشریف نے کہاکہ نوازشریف نے ذہین طلباکو لاکھوں لیپ ٹاپ دیئے،8 فروری کو فیصلہ ہونا ہے کہ کس نے عوام کو دھوکہ دیا کس نے خدمت کی،ایک سیاسی لیڈر نے نواز شریف کو مناظرے کی دعوت دی،نواز شریف سے مناظرہ کر لو ثابت ہو جائے گا کس نے کام کیا۔

کسی کو شیر سے شکایت ہے کہ وہ شکار نہیں کر رہا۔ میں انہیں بتانا چاہتا ہوں کہ شیر دانت تیز کر رہا ہے۔ 8 فروری کو پتہ لگ جائے گا۔۔۔ بلکہ لگ پتہ جائے گا pic.twitter.com/PQJgxsVS7w

— Shehbaz Sharif (@CMShehbaz) January 27, 2024

یہ بھی پڑھیں: ہفتے میں 3چھٹیاں،پارلیمنٹ میں تجویز پیش