ٹاپ ماڈل مشک کلیم کی شادی کی تیاریاں عروج پر 

(مانیٹرنگ ڈیسک)پاکستان کی نامور ماڈل مشک کلیم شادی کے بندھن میں بندھنے کیلئے تیار، ان کے نکاح کی تقریب 15 جب کہ رخصتی 17 اور ولیمے کی تقریب 18 دسمبر کو ہوگی۔

تفصیلات کے مطابق مشک کلیم نے فوٹو اینڈ ویڈیو شیئرنگ ایپ انسٹاگرام پر اپنے شادی کارڈ کی تصویر شیئر کرتے ہوئے مداحوں کو بتایا کہ وہ اگلے ماہ زندگی کا نیا سفر شروع کرنے جار ہی ہیں۔ تصویر کے ساتھ کیپشن دیتے ہوئے انہوں نے لکھا کہ الحمداللہ 20 دن رہ گئے ہیں اور اکاؤنٹ ڈاؤن شروع ہوگیا ہے۔ ان کی اس پوسٹ کو شوبز شخصیات سمیت سوشل میڈیا صارفین خوب پسند کررہے ہیں جبکہ کمنٹ سیکشن میں نیک تمناؤں و خواہشات کا اظہار بھی کر رہے ہیں۔

View this post on Instagram

A post shared by Mushk Kaleem (@mushkkaleem)

  مشک کلیم نے انتہائی کم عمری میں 2009 سے ماڈلنگ کا آغاز کیا تھا اور انہیں ماڈلنگ کی دنیا میں ایک دہائی سے زیادہ عرصہ گزر چکا ہے، ان کی عمر 27 سال ہے۔

انہوں نے سال 2020 میں لکس اسٹائل ایوارڈز میں بہترین ماڈل کا ایوارڈ بھی جیتا تھا جب کہ اس سے قبل بھی وہ متعدد ایوارڈز اپنے نام کر چکی تھیں۔ صرف یہ ہی نہیں مشک شمار پاکستان کی سپر ماڈلز میں ہوتا ہے اور وہ تقریبا تمام بڑے برانڈز کے ساتھ کام کر چکی ہیں۔
 یہ بھی پڑھیں:      13سالہ بچہ کھانا بنانے میں ماہر۔۔۔۔