وزیر خزانہ محمد اورنگزیب نے سستے گھروں کی تعمیر کے لیے  سکیم کی منظوری دے دی

 (24 نیوز ) وزیر خزانہ محمد اورنگزیب نے سستے گھروں کی تعمیر کے لیے  سکیم کی منظوری دے دی۔

وزیرخزانہ کی زیر صدارت ای سی سی کا اجلاس ہوا جس میں مارک اپ سبسڈی رسک شیئرنگ اسکیم کے تحت مالی معاونت کا فیصلہ کیا گیا ہے۔

اجلاس میں محمد اورنگزیب نے سستے گھروں کی تعمیر کے لیے سکیم کی منظوری دیتے ہوئے وزارت ہاؤسنگ کو جامع ڈیٹا بیس تیار کرنے کی ہدایت کی ہے۔

 یہ بھی پڑھیں:اپنوں سے ہی خطرہ ،عمران خان کے بیٹے  پاکستان کیوں نہیں آر ہے، اہم وجہ سامنے آگئی

وزارت خزانہ کے مطابق ملک میں لو کاسٹ ہاؤسنگ کو فروغ دیا جائے گا، حکومت 50 لاکھ گھروں کی تعمیر کے لیے سبسڈی فراہم کرے گی، 20 سے 35 لاکھ کا قرضہ 20 سال کی مدت کے لیے دینے کی تجویز کی گئی ہے۔

یہ بھی پڑھیں:قومی بچت سکیموں کے شرح منافع میں کمی،نوٹیفیکیشن جاری

 ای سی سی کے اجلاس میں گھی اور کوکنگ آئل کی قیمتوں میں اضافے کا نوٹس لیتے ہوئے عالمی قیمتوں میں کمی کے باوجود عوام کو پورا ریلیف نہ ملنے پر تشویش کا اظہار کیا گیا ہے۔

اس کے علاوہ شپ بریکنگ ری سائیکلنگ کو باقاعدہ صنعت کا درجہ دینے کی منظوری بھی دی گئی ہے