شعیب اور ثناء کی شادی کے بعد ثانیہ مرزا نے آخر کار پہلی پوسٹ شیئر کر دی
Stay tuned with 24 News HD Android App
(ویب ڈیسک)بھارتی سابق ٹینس اسٹار ثانیہ مرزا نے خلع کی تصدیق اور پاکستانی کرکٹر شعیب ملک اور اداکارہ ثناء جاوید کی شادی کے بعدآخر کار اپنی پہلی پوسٹ شیئر کر دی۔
فوٹو اینڈ ویڈیو شیئرنگ پلیٹ فارم انسٹاگرام پر سابق ٹینس اسٹار ثانیہ مرزا نے اپنی تصویر معنی خیز کیپشن کے ساتھ شیئر کی ہے،ثانیہ مرزا نے خلع کی تصدیق اور شعیب ملک کی شادی کے اعلان کے بعد انسٹاگرام پر اپنی تصویر شیئر کی ہے۔
مذکورہ تصویر میں ثانیہ مرزا ہلکے میک اپ، فرینچ چوٹی اور سیاہ جیکٹ میں ملبوس پُر اعتماد انداز میں خود کو آئینے میں دیکھ رہی ہیں۔
انہوں نے مذکورہ پوسٹ کے کیپشن میں فقط ایک لفظ ’ریفلکٹ‘ لکھا ہے۔
ثانیہ مرزا کی جانب سے خلع کے بعد پہلی پوسٹ منظر عام پر آتے ہی سوشل میڈیا صارفین نے کمنٹس میں تبصرہ کرتے ہوئے ان کے انداز کی تعریف کی اور ساتھ ہی انہیں آگے بڑھنے کا حوصلہ بھی دیتے نظر آئے۔
اس سے قبل ثانیہ مرزا نے مختلف انسٹااسٹوریز شیئر کی ہیں تاہم مذکورہ پوسٹ ان کی جانب سے کی گئی پہلی پوسٹ ہے۔
خیال رہے کہ گزشتہ ہفتے جب پاکستانی سابق کپتان شعیب ملک اور اداکارہ ثناء جاوید نے اپنی شادی کا اعلان کیا تو دونوں ممالک کے سوشل میڈیا صارفین کی بڑی تعداد نے بھارتی سابق ٹینس اسٹار سے اظہار ہمدردی کیا تاہم ثانیہ مرزا نے اب تک اس معاملے پر خاموشی اختیار کی ہوئی تھی جبکہ ان کے والد اور بہن نے ان کی جانب سے خلع کی تصدیق کرتے ہوئے بتایا تھا کہ چند ماہ قبل ثانیہ مرزا نے شعیب ملک سے خلع لے لی تھی۔
یہ بھی پڑھیں: بارشیں شروع،محکمہ موسمیات نے اہم پیشگوئی کر دی
واضح رہے کہ سوشل میڈیا صارفین کی بڑی تعداد شعیب ملک سے خلع اور پھر ان کی ثناء جاوید سے شادی کے بعد ثانیہ مرزا کی حمایت میں سامنے آرہے ہیں۔
گزشتہ سال ستمبر میں عمیر جسوال کے بھائی کی شادی میں ثناء جاوید اور عمیر جسوال کی عدم موجودگی طلاق کی افواہوں کو جنم دے گئی تھی لیکن ثناء اور عمیر دونوں نے ہی اس معاملے پر کوئی موقف جاری نہیں کیا تھا تاہم اس معاملے کا خلاصہ ثناء اور شعیب ملک کی شادی کی تصاویر کرگئیں۔