اداکارہ ٹائیگرشروف کیسی لڑکی سے شادی کے خواہشمند؟ خود ہی بتا دیا

 (ویب ڈیسک) ٹائیگر  شروف کا کہنا تھا کہ مجھے اس قسم کی لڑکیاں پسند ہیں جو گھروں کے کام کاج میں ماہر ہوں اور اپنے گھر کو وقت دیں۔
تفصیلات کے مطابق ان دنوں بھارتی میڈیا پر ٹائیگر شروف کے ماضی کا ایک قصہ موضوعِ بحث ہے جس کے بعد سوشل میڈیا صارفین سمیت کئی خواتین نے انہیں تنقید کا نشانہ بنایا۔2014 میں بالی وڈ میں قدم رکھنے والے ٹائیگر نے 2015 میں بھارتی میڈیا کو انٹرویو دیا جس میں ان سے پوچھا گیا کہ آپ اپنی ہونے والی اہلیہ میں کن خصوصیات کو دیکھنا پسند کریں گے۔ سوال کے جواب میں اداکار نے فوراً کہا کہ میں ایسی لڑکی سے شادی کروں گا جس کا تعلق گاؤں سے ہوگا، میں چاہتا ہوں کہ جب بھی کام سے گھر پہنچوں تو وہ میری خدمت کرے تاکہ سارے دن کی تھکن دور ہوجائے۔

بعدازاں اداکار کو جب اپنے بیان کی نوعیت اور معاملے کی سنگینی کا اندازہ ہوا تو انہوں نے فوری طور پر ٹوئٹر کے ذریعے اپنے بیان کی وضاحت دی اور معذرت کرتے ہوئے کہا کہ میں خواتین کی بہت عزت کرتا ہوں، میرے بیان کا وہ مطلب نہیں تھا جو لوگوں کو سمجھ آیا۔

واضح رہے کہ ٹائیگر شروف نے اپنے کیرئیر کا آغاز فلم 'ہیروپنتی' سے کیا تھا جس میں ان کے مد مقابل اداکارہ کریتی سینن تھیں۔

یہ بھی پڑھیں:      شاہین آفریدی اور اوپنر ڈیوڈ وارنر کی دلچسپ ویڈیو وائرل