کراچی:میٹرک امتحانات ،پرچےلیک کرنے والا ملزم گرفتار

(ویب ڈیسک)کراچی میں نویں اور دسویں جماعت کے امتحانات کے پرچے لیک کرنے والے ملزم کو گرفتار کر لیا گیا۔

اس حوالے سے ایس ایس پی سینٹرل کا کہنا ہے کہ ملزم کے قبضے سے لیپ ٹاپ اور 4 موبائل فون بھی برآمد ہوئے ہیں۔

ایس ایس پی نے کہا کہ ملزم پرچے شروع ہونے سے آدھے گھنٹے سے 10 منٹ پہلے تک پیپر لیک کرتا تھا، ملزم نے بتایاکہ اس نے واٹس ایپ گروپ بنایا ہوا تھا جس میں پیپر لیک کرتا تھا۔

انہوں نے کہا کہ ملزم کے ساتھ دو مزید افراد بھی گروپ ایڈمن تھے۔

یہ بھی پڑھیں:تحریک انصاف وفد کی مولانا فضل الرحمان سے ملاقات کے بعد اہم پیش رفت

ایس ایس پی سینٹرل کا کہنا ہے کہ ملزم کے خلاف بلال کالونی تھانے میں مقدمہ درج کر لیا گیا ہے۔