پولیس کے سامنے ڈرفٹنگ کرنا شہری کو مہنگا پڑ گیا

(جاوید قائم خانی) کراچی میں شہری کو پولیس کے سامنے ڈرفٹنگ کرنا مہنگا پڑ گیا۔

تفصیلات کے مطابق پولیس نے تعاقب کیا تو کچھ ہی فاصلے پر گاڑی کو حادثہ پیش آگیا۔ شہری ٹک ٹاک کی ویڈیو بنانے کے لیے ڈرفٹنگ کررہا تھا۔ واقعے کی ویڈیو موقع پر موجود تیسرا نوجوان بناتا رہا۔

یہ بھی پڑھیں: ٹک ٹاک کا جنون ایک اور جان لے گیا

ویڈیو سامنے آنے کے بعد پولیس حکام نے نوٹس لیتے ہوئے تحقیقات کا حکم دے دیا۔ پولیس کا کہنا ہے کہ پولیس موبائل ٹک ٹاکرز کے ساتھ ویڈیو بنانے میں شامل تھی یا نہیں ، تحقیقات کی جاری ہیں۔ واقعہ نارتھ ناظم آباد کے علاقے میں پیش آیا۔