قتل کی دھمکیاں: شیخ رشید نے تھانہ کوہسار میں درخواست جمع کرا دی

(ویب ڈیسک) سابق وفاقی وزیر شیخ رشید نے قتل اور اغوا کی دھمکیاں ملنے پر تھانہ کوہسار میں درخواست جمع کرا دی۔

شیخ رشید کی جانب سے جمع کرائی گئی درخواست میں موقف اپنایا گیا کہ مجھے کئی روز سے فون پر قتل اور اغوا کی دھمکیاں مل رہی ہیں۔ درخواست میں قتل کی دھمکیاں دینے والے کے موبائل نمبر بھی درج ہیں۔

pic.twitter.com/fkR0jMB8bH

— Sheikh Rashid Ahmed (@ShkhRasheed) September 22, 2022

سربراہ عوامی مسلم لیگ نے ایک ٹویٹ میں کہا کہ 2 کروڑ لوگ مزید خط غربت کی لکیر سے نیچے جاچکے ہیں، پیٹرول پر 2 ارب روزانہ غریب کی جیب سے خزانے میں جا رہا ہے۔

انہوں نے کہا کہ پہلے خزانے پر ڈاکہ مارتے تھے اب غریب کی جیب پر ڈاکہ مار رہے ہیں، پی ڈی ایم کی الٹی گنتی شروع ہوگئی، فرانس سے بغل گیر ہونا اور اسرائیل میں وفد بھیجنا سوالیہ نشان ہے۔

2کروڑ لوگ مزیدخط غربت کی لکیرسےنیچےجاچکےہیں۔پیٹرول پر2ارب روزانہ غریب کی جیب سےخزانےمیں جارہاہے۔ پہلےخزانے پرڈاکہ مارتےتھےاب غریب کی جیب پرڈاکہ ماررہے ہیںPDMکی الٹی گنتی شروع ہوگئی ہےفرانس سےبغل گیر ہونااوراسرائیل میں وفدبھیجناسوالیہ نشان ہےاسلام آباد27کلومیٹر کی بڑی جیل بن گیاہے

— Sheikh Rashid Ahmed (@ShkhRasheed) September 22, 2022

شیخ رشید کا کہنا تھا کہ 72 میں سے 22 وزراء بے محکمہ ہیں، اس پر ہائیکورٹ میں درخواست دائر کر دی ہے، غریب کو آٹا نہیں مل رہا، یہ امریکہ کے 7 سٹار ہوٹلوں میں سیر سپاٹے کر رہے ہیں، مصنوعی اقتدار کو بچانے کے لیے اپنی عوام پر ڈرون سے آنسو گیس کے گولے ماریں گے، دنیا باتیں کر رہی ہے، امداد نہیں دے رہی، بند گلی میں جانا ہے یا الیکشن کرانا ہے، فیصلہ جلد ہو جائے گا۔