مظفرآباد: وزارتوں کی تقسیم پر پیپلز پارٹی کے متعدد وزراء ناراض 

(زاہدبشیرچودھری )آزادکشمیر میں وزارتوں کی تقسیم پر پیپلز پارٹی کے متعدد وزراء ناراض ہو گئے۔

ذرائع کے مطابق کچھ وزرا نے اپنی نئی وزارتوں پر تحفظات اٹھا دیئے،بعض وزراء نے تاحال چارج لینے سے انکار کر دیا۔

اہم وزارتیں مخصوص گروپس کو دینے پر دیگر ارکان ناخوش ہیں،اختلافات بڑھنے سے حکومت کے اندر نئی سیاسی ہلچل کا خدشہ ہے۔

ذرائع کے مطابق پارٹی قیادت وزرا کو منانے کے لیے متحرک ہے،چودھری ریاض سمیت رابطہ کمیٹی نے ناراض اراکین سے رابطے شروع کر دیئے۔

ناراض وزرا نے مطالبہ کیا ہے کہ مشاورت کے بغیر وزارتوں کا فیصلہ قبول نہیں،ذرائع کے مطابق  قیادت نے جلد معاملہ حل کرنے کی یقین دہانی کرا دی۔ 

وزرا کی ناراضگی کے باعث کابینہ کی مکمل فعالیت میں تاخیر کا امکان ہے۔