بنگلہ دیش کے کومیلا میں کورڈ وین نجی کار پر الٹ گئی، 4 افراد ہلاک

(سلیم رضا)بنگلہ دیش کے کومیلا میں ایک کورڈ وین چلتی پرائیویٹ کار پر الٹ گئی جس کے نتیجے میں4افراد موقع پر ہی جاں بحق ہوگئے۔

یہ واقعہ جمعہ کی شام ڈھاکہ چٹاگانگ ہائی وے پر واقع کومیلا صدر دکشین کے علاقے ہوٹل نورجہاں میں یو ٹرن پر پیش آیا۔کومیلا ہائی وے پولیس کے سپرنٹنڈنٹ پولیس خیر العالم نے اس کی تصدیق کی۔

مرنے والوں میں عمر علی (80)، ان کی اہلیہ نورجہاں بیگم (65)، دو بیٹے ابوالہاشم (50) اور ابوالکاشم (45) بنگلہ دیش کے کومیلا کے بارورا اپیزل میں پائل گچہ یونین کے حسین پور گاؤں کے ہیں۔ معلوم ہوا ہے کہ بڑا بیٹا ابوالہاشم گاڑی چلا رہا تھا۔

مقامی لوگوں نے بتایا کہ چاروں نے ہوٹل نورجہاں میں آکر کھانا کھایا۔ وہاں سے وہ ایک پرائیویٹ کار میں کومیلا شہر کی طرف جارہے تھے۔ اس وقت یو ٹرن کے قریب آتے ہی پرائیویٹ کار کورڈ وین سے آمنے سامنے آگئی۔ کورڈ وین کے ڈرائیور نے پرائیویٹ کار کو بچانے کیلئے زور سے بریک لگائی تو وہ الٹ کر پرائیویٹ کار پر جا گری۔ پرائیویٹ کار کے تمام مسافر موقع پر ہی دم توڑ گئے۔