بنگلہ دیش میں ٹینک دھماکہ، 2 اہلکار ہلاک

(ویب ڈیسک)بنگلہ دیش میں مشق کے دوران چینی ساختہ ٹینک اچانک پھٹ گیا جس کے نتیجے میں دو افراد موقع پر ہی ہلاک اور ایک زخمی ہوگیا ہے۔

اس واقعے نے ایک بار پھر ’’میڈ اِن چائنا‘‘فوجی مصنوعات کے معیار کے حوالے سے خدشات کو جنم دیا ہے۔

 یہ حادثہ 9 ستمبر کو پیش آیا، اور اس میں چینی ساختہ ٹائپ 59 مین جنگی ٹینک کی اپ گریڈ شدہ قسم شامل تھی۔

مزید پڑھیں:انڈونیشیا کا جزیرہ جاوا 6.2 شدت کے زلزلے سے لرز اٹھا 

 بنگلہ دیش کی وزارت دفاع کے انٹر سروسز پبلک ریلیشنز (آئی ایس پی آر) نے کہا کہ فوجی چٹگرام میں فیلڈ فائرنگ رینج میں لائیو فائر ٹریننگ کر رہے تھے کہ ٹینک کے اندر اچانک دھماکہ ہوا۔

 اس کے نتیجے میں بنگلہ دیشی فوج کے دو اہلکار ہلاک اور ایک افسر شدید زخمی ہوا، جسے بعد ازاں ہنگامی علاج کے لیے دارالحکومت ڈھاکہ کے کمبائنڈ ملٹری ہسپتال منتقل کیا گیا۔

 ٹینک کے عملے کے ارکان دھماکے سے ہوا میں اچھل گئے تھے۔