کورونامیں اضا فہ۔۔ عمرہ ہوگا یا نہیں۔۔سعودی حکومت کا اہم اعلان

 (24نیوز) سعودی عرب نے کورونا کی نئی لہر میں عمرہ سیزن پر پابندی کے حوالے سے چلنے والی افواہوں کی سختی سے تردید کردی۔
عرب میڈیا رپورٹ کے مطابق سعودی عرب کے وزارتِ حج و عمرہ نے عمرہ ادائیگی پر پابندی کے حوالے سے وضاحتی بیان جاری کردیا۔وزارتِ حج و عمرہ کی جانب سے جاری بیان میں کہا گیا ہے کہ کورونا کیسز میں اضافے کے باوجود عمرہ ادائیگی پر کوئی پابندی عائد نہیں کی جائے گی۔وزارت کے ذرائع نے تصدیق کی کہ ابھی تک عمرہ ادائیگی اور مسجدالحرام و مسجد نبوی میں زائرین یا نمازیوں کی آمد پر پابندی کا معاملہ زیر غور نہیں آیا اور نہ ہی ایسا کوئی ارادہ ہے۔
دوسری جانب جنرل پریزیڈنسی نے بھی افواہوں کی سختی سے تردید کرتے ہوئے کہا کہ زائرین کو کورونا سے محفوظ رکھنے کے لئے ایس او پیز مقرر کئے گئے ہیں، جن پر سختی سے عمل درآمد کیا جارہا ہے۔جنرل پریزیڈنسی کے ترجمان نے کہا کہ زائرین اور نمازیوں کے لئے سماجی فاصلے اور ماسک کو لازمی قرار دیا گیا ہے۔
 یہ بھی پڑھیں۔امریکی ڈرون حملے میں7 بچوں سمیت10افراد کی ہلاکت۔۔انتہائی بھیانک غلطی کی ویڈیو جاری