عمران خان کی نیب میں طلبی، وکلاء نے پیش نہ ہونے کا مشورہ دیا

(ویب ڈیسک) عمران خان کے وکلاء نے عمران خان کو برطانوی نیشنل کرائم ایجنسی سے موصول ہونے والے 190 ملین پاؤنڈ کیس میں نیب راولپنڈی  میں پیش نہ ہونے کا مشورہ دے دیا۔

نیب راولپنڈی نے عمران خان اور بشریٰ بی بی کو نیشنل کرائم ایجنسی برطانیہ سے موصول ہونے والے 190 ملین پاؤنڈ کے کیس میں آج طلب کر رکھا ہے، لیکن چیئرمین پی ٹی آئی کے پیش نہ ہونے کے امکانات ہیں۔

ذرائع کے مطابق سابق وزیراعظم کے وکلاء نے ان کو ذاتی حیثیت میں پیش نہ ہونے کا مشورہ دیتے ہوئے کہا کہ وکلاء کے ہی ذریعے نیب کو 20 نکاتی جواب اور دستاویزات فراہم کیا جائے۔ 

یہ بھی پڑھیں: تحریک انصاف کو ایک بڑا دھچکا,اہم رہنما نے ساتھ چھوڑ دیا

واضح رہے کہ 190 ملین پاؤنڈ کیس میں گزشتہ روز زمان پارک میں تین صفحات پر مشتمل نوٹس موصول کرایا ہے جس میں عمران خان کو آج صبح 10 بجے نیب راولپنڈی پیش ہونے کی ہدایت کی تھی اور حکم دیا گیا تھا کہ اس کیس سے متعلقہ دستاویزات، القادر ٹرسٹ کی تفصیلات اور الحاق کے کاغذات، ڈیڈبینک اکاؤنٹس کی تفصیلات بھی ہمراہ لائیں۔

خیال رہے کہ اس نوٹس میں چیئرمین پی ٹی آئی کو کہا گیا کہ عدم حاضری پر ان کے خلاف کانونی کارروائی کی جائے گی اور اسی کیس میں سابق معاون احتساب شہزاد اکبر کو بھی نیب راولپنڈی نے تحقیقات کے سلسلے میں 22 مئی کو طلب رکھا ہے۔