ٹک ٹاک کا پاکستانی طلبہ کیلئے تحفہ

(ویب ڈیسک) مختصر دورانیے کی ویڈیوز کے مقبول پلیٹ فارم ’ٹک ٹاک‘ اور ایڈ ٹیک اسٹارٹ اَپ ’ایڈکاسا‘ نے گزشتہ برس شروع کی گئی مہم ’ایگزیم ریڈی‘ کی کامیابی کے بعد 18 ہزار پاکستانی طلبہ کے لیے اسکالرشپ پروگرام کا آغاز کیا ہے جس کے تحت پورے پاکستان میں مستحق طلبہ کو آن لائن اسٹڈی گرانٹس دی جائیں گی تاکہ وہ معیاری تعلیم تک رسائی میں اضافہ کر سکیں۔

@24newshdofficial اسکالرشپ کی درخواستیں موصول کی جارہی ہیں#24news #tiktok #pakistan #edkasa ♬ original sound - 24newshdofficial

گزشتہ برس ستمبر میں ٹک ٹاک نے ایڈکاسا (Edkasa) اور لاہور یونیورسٹی آف مینجمنٹ سائنسز (LUMS) کے اشتراک سے اپنی نوعیت کا منفرد ڈیجیٹل لرننگ پروگرام شروع کرنے کی غرض سے پورے سال تعاون کیا تھا، تاکہ ہائی اسکول کے طلبہ کو آن لائن تعلیم اور فاصلاتی تعلیم کی سہولت فراہم کی جاسکے۔

واضح رہے کہ ٹک ٹاک اسکالر شپ کی درخواستیں موصول کرنا شروع ہو چکی ہیں ۔