نوجوان کا اڈیالہ جیل میں پیسوں کےعوض عمران خان کو دیکھنے کا دعویٰ  

( ویب ڈیسک)سوشل میڈیا پر ایک نوجوان کی ویڈیو تیزی سے وائرل ہو رہی ہے جس میں اس نے دعویٰ کیا ہے کہ اس نے جیل پولیس اہلکار کو 10 ہزار روپے رشوت دے کر اڈیالہ جیل میں چیئرمین تحریک انصاف عمران خان کو دیکھا۔

ویڈیو میں نوجوان کا کہنا ہے کہ اسے 26 نومبر کے کیس میں اڈیالہ جیل منتقل کیا گیا تھا، وہاں دورانِ گفتگو اس نے اہلکاروں سے عمران خان کو دیکھنے کی خواہش ظاہر کی، جس پر پولیس اہلکار نے کہا کہ اس کے لیے 20 ہزار روپے درکار ہوں گے، نوجوان کے مطابق اس کے پاس صرف 10 ہزار روپے کی پرچی موجود تھی جو اس نے اہلکار کو دے دی۔

 یہ بھی پڑھیں:سکولوں کو بم سے اُڑانے کی دھمکی

اس نے مزید کہا کہ اہلکار اسے ہسپتال کے بہانے ایک طرف لے گیا اور دور سے عمران خان کا کمرہ دکھایا، جہاں وہ مبینہ طور پر جائے نماز پر بیٹھے قرآن پاک کی تلاوت کر رہے تھے۔ نوجوان کے اس دعوے نے سوشل میڈیا پر نئی بحث چھیڑ دی ہے۔

وہ لڑکا جس نے پولیس والے کو اڈیالہ جیل میں دس ہزار روپے دیا مرشد عمران خان کو دیکھنے
 
واللہ واللہ ☺️???? pic.twitter.com/Lv79JUDcKJ

— Rashid Mehmood Bangash (@RashidMkhan79) August 17, 2025

تاہم اس ویڈیو کی آزادانہ طور پر تصدیق نہیں کی جا سکی۔ نہ تو یہ واضح ہے کہ ویڈیو کب کی ہے اور نہ ہی یہ معلوم ہوسکا کہ بیان کرنے والا شخص کون ہے اور کس کیس میں قید رہا۔ حکام کی جانب سے بھی اب تک اس حوالے سے کوئی باضابطہ بیان جاری نہیں کیا گیا۔