لاہور: مکان کی چھت گرنے سے 3 بچے جاں بحق
Stay tuned with 24 News HD Android App
(ویب ڈیسک) لاہور میں لٹن روڈ کے علاقے میں مکان کی چھت گرنے سے ملبے تلے دب کر 3 بچے جاں بحق ہوگئے۔
ریسکیو ذرائع کے مطابق دو بچوں کو میو جبکہ ایک بچے کو سروسز ہسپتال منتقل کیا گیا، جاں بحق ہونے والوں میں ایک بچہ اور 2 بچیاں شامل ہیں، بچوں کی شناخت 11 سالہ کائنات، 9 سالہ بسمہ اور 7 سالہ حسنین کے نام سے ہوئی۔
پولیس کا کہنا ہے واقعہ کی تحقیقات کی جارہی ہیں، قانونی کارروائی کے بعد لاشوں کو ورثا کے حوالے کیا جائے گا۔
دوسری جانب ڈی سی لاہور رافعہ حیدر نے لٹن روڈ پر عمارت کی چھت گرنے کے واقعہ پر سوگوار خاندان سے اظہار تعزیت کیا، انہوں نے واقعہ کا نوٹس لیتے ہوئے اسسٹنٹ کمشنر کو ریسکیو آپریشن جلد مکمل کروانے کی ہدایت کی اور سوگوار خاندان کی ہر ممکن مدد کرنے کا حکم دیا۔
مزید پڑھیں: گلوکار اکرم راہی کا ماہ رمضان کی مناسبت سے کلام ریلیز
ڈی سی لاہور رافعہ حیدر کا کہنا تھا سکول سے واپس آنے والے بچوں کو کمرے میں چھوڑ کر ماں کھانا لینے گئی، بچے کمرے میں تھے، ٹی آر گاڈر سے بنی عمارت کی چھت گر گئی، اب تک ملبہ ہٹا کر تینوں بچوں کی لاشیں نکالی جاچکی ہیں۔