توشہ خانہ کیس، بشریٰ بی بی کی سزا کیخلاف اپیل دائر

 (24 نیوز) سابق وزیر اعظم و بانی پی ٹی آئی کی اہلیہ بشریٰ بی بی نے توشہ خانہ ریفرنس میں سزا کیخلاف اپیل دائر کر دی۔

بشریٰ بی بی نے بیرسٹر سلمان صفدر کے ذریعے اسلام آباد ہائی کورٹ میں اپیل دائر کی ہے، اپیل میں احتساب عدالت کا 31 جنوری کا آرڈر کالعدم قرار دینے کی استدعا کی گئی ہے۔

بشریٰ بی بی کی جانب سے دائر اپیل میں ریاست اور نیب کو فریق بنایا گیا ہے۔

خیال رہے کہ احتساب عدالت نے بشریٰ بی بی کو توشہ خانہ کیس میں 14 سال قید بامشقت اور 787 ملین روپے جرمانے کی سزا سنائی تھی۔ 
 یہ بھی پڑھیں: شکست سے دلبرداشتہ یا کوئی اور وجہ؟،اہم سیاسی شخصیت  پارٹی صدارت سے مستعفی