عمران خان پر قاتلانہ حملہ کیس: ملزم احسن نذیر کی ضمانت منظور
Stay tuned with 24 News HD Android App
(ویب ڈیسک) گوجرانوالہ کی انسدادِ دہشت گردی کی عدالت (اے ٹی سی) نے سابق وزیراعظم اور چیئرمین پاکستان تحریک انصاف ( پی ٹی آئی) عمران خان پر قاتلانہ حملے کے کیس کے ملزم احسن نذیر کی ضمانت منظور کرلی ہے۔
گوجرانوالہ کی اے ٹی سی نے آج (بروز جمعہ 17 فروری کو) عمران خان قاتلانہ حملہ کیس کی سماعت کی۔ عدالت نے ملزمان احسن نذیر اور وقاص کی درخواستِ ضمانت پر محفوظ کیا گیا فیصلہ سنا دیا۔
انسدادِ دہشت گردی کی عدالت نے ملزم احسن نذیر کی 5 لاکھ روپے کے مچلکوں کے عوض ضمانت منظور کی۔ عدالت نے مقدمے میں گرفتار ملزم وقاص کی درخواستِ ضمانت خارج کر دی۔
واضح رہے کہ ضمانت حاصل کرنے والا ملزم احسن نذیر ن لیگ کے ضلعی سیکریٹری اطلاعات مدثر نذیر کا بھائی ہے۔ احسن نذیر کو جے آئی ٹی نے اس لیے گرفتار کیا تھا کہ عمران خان پر حملے کے روز احسن نے سوشل میڈیا اکاؤنٹ پر پوسٹ کی تھی۔