مردان جلسہ ، پی ٹی آئی کے اپنے اتحادی ہی ناراض ہو گئے

(طیب سیف )پی ٹی آئی کے مردان میں جلسہ کے حوالے سے پی ٹی آئی کے اپنے اتحادی ہی ناراض ہو گئے ۔
ذرائع کے مطابق علیمہ خان کی تنقید کے باعث تحریک تحفظ آئین نے مردان جلسے میں شرکت نا کرنے کا فیصلہ کرلیا،علیمہ خان نے محمود خان اچکزئی  اور علامہ راجہ ناصر عباس پر سخت تنقید کی جس کے باعث انہوں نے شرکت سے انکار کیا۔
ذرائع کے مطابق  محمود خان اچکزئی نے تحفظات ظاہرکئے ہیں کہ علیمہ خان کی وجہ سے کارکنان چارج ہیں، وہ جلسہ میں لیڈرشپ کے ساتھ بدتمیزی بھی کر سکتے ہیں ۔
ذرائع کے مطابق پی ٹی آئی نے اپنا جلسہ اپنے ہی صوبہ میں کامیاب کروانے کے لیے وزیر اعلیٰ سہیل آفریدی کو ٹاسک سونپ دیا ،وزیر اعلیٰ اتحادی اپوزیشن جماعتوں کو منانے کے لیے کوشاں ہیں لیکن تاحال کامیاب نہیں ہو سکے ۔

یہ بھی پڑھیں:یورپ کے پاس 6 ہفتوں کا جیٹ فیول باقی رہ گیا
ذرائع تحریک تحفظ آئین  کے مطابق جب تک علیمہ خان پارٹی کے فیصلوں اور ایسی حکمت عملی پر تنقید بند نہیں کرتی جلسہ میں شرکت نہیں کریں گے۔
دو روز قبل سلمان اکرم راجہ نے بھی علیمہ خان پر تنقید کی تھی ۔