گرمیوں کی طویل چھٹیوں پرنجی اسکولزکے اعتراضات،وزیرتعلیم کابیان آگیا

(ویب ڈیسک)پنجاب میں گرمیوں کی طویل چھٹیوں پر نجی سکولز کے اعتراض کے بعد حکومت نے تعلیمی کیلنڈر پر نظرِثانی کا عندیہ دے دیا۔
وزیرتعلیم پنجاب راناسکندرحیات کاکہناہے کہ طویل گرمیوں کی چھٹیوں سے طلبہ کی تعلیم متاثر ہوتی ہے اور وہ نجی اسکولز کے اس مؤقف سے اتفاق کرتے ہیں، گرمیوں کی چھٹیوں کے بعد متبادل ہفتوں میں اسکولز کھولنے کی تجویز زیر غور ہے، جبکہ نجی اسکولز کے ساتھ مل کر نیا اکیڈمک کیلنڈر ترتیب دیا جائے گا۔
انہوں نےکہاکہ اچانک تعطیلات کی صورت میں بھی متبادل پلان مرتب کیا جائے گا،جمعہ کی ہفتہ وار چھٹی کے باعث بھی تعلیمی نقصان ہوا ہے،سال میں اسکولز کم از کم 180 دن کھلنے چاہئیں، تاہم اس وقت تعلیمی ادارے صرف 140 دن کھل رہے ہیں،حکومت 30 سے 45 روز کے سمرکیمپس کی اجازت دینے پر بھی غور کر رہی ہے تاکہ طلبہ کی تعلیمی سرگرمیاں جاری رہ سکیں۔

یہ بھی پڑھیں:سینئر مسلم لیگی رہنماو سابق صوبائی وزیر ملک ندیم کامران انتقال کرگئے
وزیرتعلیم پنجاب کے مطابق چھٹیوں سےمتعلق فیصلہ پورےصوبےکو مدنظر رکھ کرکرنا ہوگا،خاص طور پر جنوبی پنجاب میں شدید گرمی کے پیش نظرسرکاری اسکولز کےحالات کو بھی دیکھنا ضروری ہے،نجی اسکولز میں ایئر کنڈیشننگ کی سہولت موجود ہوتی ہے،تاہم جنوبی پنجاب کے سرکاری اسکولز کےحالات مختلف ہیںاس لیے متوازن پالیسی بنائی جائے گی۔