گھریلو تشدد بل میں غیر شرعی شقیں بھی شامل ہیں،  پیر نور الحق قادری کی 24 نیوز سے خصوصی گفتگو 

(24 نیوز)وزارت انسانی حقوق کی جانب سے تیار کردہ گھریلو تشدد بل پر وفاقی وزیر مذہبی امور پیر نور الحق قادری نے اعتراضات اٹھا لئے۔

تفصیلات کے مطابق گھریلو تشدد بل سینیٹ سے پاس ہونے کے بعد تنقید کی زد میں آ گیا ہے۔ بل میں چند ایسے شقیں ہیں جو ہمارے معاشرتی اقدار کے خلاف ہیں۔ اس حوالے سے وزیر مذہبی امور پیر نور الحق قادری نے 24 نیوز سے خصوصی گفتگو کرتے ہوئے کہا ہےکہ گھریلو تشدد بل پر تنقید کرنے والوں سے اتفاق کرتا ہوں،گھریلو تشدد بل میں غیر شرعی شقیں بھی شامل ہیں،بل کا ڈرافٹ ہمارے معاشرے میں قابل عمل بھی نہیں۔ انہوں نے  کہا کہ بل کی مزید تشریح اسلامی نظریاتی کونسل سے کراکے مناسب ترامیم لائیں گے۔

یہ بھی پڑھیں:مسئلہ افغانستان:وزیراعظم نے رابطہ کرلیا،  پاکستان خصوصی کانفرنس کی میزبانی کریگا، فواد چودھری