وزیر خارجہ اسحاق ڈار کی او آئی سی سیکرٹری جنرل حسین ابراہیم طٰحہ سے ملاقات

(انور عباس)وزیر خارجہ اسحاق ڈار کی او آئی سی سیکرٹری جنرل حسین ابراہیم طٰحہ سے ملاقات، قطر اور دیگر ممالک پر اسرائیلی حملوں کی شدید الفاظ میں مذمت کی گئی۔

 اسحاق ڈار کے مطابق اسرائیلی حملے خودمختاری اور عالمی قوانین کی خلاف ورزی ہیں،او آئی سی کے تعمیری کردار پر اسحاق ڈار  نے سیکرٹری جنرل سے اظہارِ تشکر کیا۔

ترجمان دفتر خارجہ کے مطابق پاکستان نے اسرائیلی جارحیت کے مقابلے میں مشترکہ اسلامی ردعمل کی ضرورت اورخطے میں امن و استحکام کے فروغ کی اہمیت پر زوردیا، فلسطینی عوام کے حق میں غیر متزلزل حمایت کا اعادہ کیا۔

یہ بھی پڑھیں :قومی سپنر ابرار احمد ایشیا کپ کے بعد دلہن گھر لائیں گے