پاکستان اور امریکا افغانستان میں امن چاہتے ہیں، پاکستانی سفیر

Sep 14, 2021 | 13:11:PM
پاکستان اور امریکا افغانستان میں امن چاہتے ہیں، پاکستانی سفیر

(مانیٹرنگ ڈیسک)امریکا میں تعینات پاکستانی سفیر  ڈاکٹر اسد مجید خان کا کہنا ہے کہ پاکستان اور امریکا افغانستان کے بارے میں یکساں مؤقف رکھتے ہیں، دونوں ممالک افغانستان میں امن چاہتے ہیں۔  

 تفصیلات کے مطابق پاکستانی سفیر ڈاکٹر اسد مجید خان نے کہا ہے کہ امریکی اخبار کوانٹرویو میں کہا کہ پاکستان اور امریکا دونوں ممالک افغانستان میں امن چاہتے ہیں،انہوں نے کہا کہ ابھی ہم نے طالبان حکومت کو تسلیم نہیں کیا۔ اب وقت آگیا ہے کہ ہم ماضی سے سبق سیکھیں، میری ہمدردی نائن الیون کے متاثرین اور ان کے لواحقین کے ساتھ ہے، پاکستان نے بھی دہشت گردی کے خلاف جنگ کی بھاری قیمت ادا کی ہے، حقائق سے پتا چل رہا ہے کہ افغانستان میں سکیورٹی کی صورتحال کنٹرول میں ہے۔

انہوں نے کہا کہ افغانستان میں ایک حکومت موجود ہے، عالمی برادری چاہے تو اس سے بات کرے یا تنہا چھوڑ دے، ہم نے طالبان حکومت کو ابھی تک تسلیم نہیں کیا، ہم یہ دیکھ رہے ہیں کہ افغانستان میں نئی حکومت بین الاقوامی برادری کی توقعات کوکس حد تک پورا کررہی ہے۔

خیال رہے کہ امریکا نے پاکستان سے مطالبہ کیا ہے کہ وہ افغانستان میں طالبان کی حکومت کو اس وقت تک تسلیم نہ کرے جب تک طالبان خواتین کو حقوق نہیں دیتے اور افغانستان سے نکلنے کے خواہش مندوں کو جانے کی اجازت نہیں دیتے۔امریکی ایوان نمائندگان کی خارجہ امور کمیٹی کو بلنکن نے بتایا کہ امریکا چاہتا ہے کہ پاکستان اس وقت تک طالبان حکومت کو تسلیم نہ کرے جب تک وہ افغان سر زمین کو دہشت گردوں کی آماج گاہ نہ بننے کے و عدے کی پاسداری نہیں کرتے۔

یہ بھی پڑھیں:    چیف جسٹس گلزار احمدسرکاری دورے پر انڈونیشیا روانہ