بیٹے کی پیدائش قبل ازوقت ،آئی سی یو میں زیرعلاج ہے،بختاور بھٹو

Oct 13, 2021 | 23:19:PM
بیٹے کی آمد، 8نومبر، متوقع تھی
کیپشن: بختاور بھٹو زرداری، فائل فوٹو

(24 نیوز)سابق صدر آصف علی زرداری اور سابق وزیراعظم بینظیر بھٹو کی صاحبزادی بختاور بھٹو نے کہاہے کہ بیٹے کی آمد 8 نومبر کو متوقع تھی لیکن اس نے 10 اکتوبر کو دنیا میں آکر ہم سب کو حیران کردیاہے۔

سماجی رابطوں کی ویب سائٹ ٹوئٹرپراپنے پیغام میں انہوں نے بتایاکہ ان کے ہاں بیٹے کی پیدائش وقت سے تقریبا ایک ماہ پہلے ہوئی ہے جس کے باعث نومولود کو طبی مسائل کے پیشِ نظر بچوں کے انتہائی نگہداشت یونٹ میں رکھا گیا ہے۔

بختاور بھٹو نے کہا کہ بیٹے کی پیدائش پر آپ سب کی محبتوں اور چاہتوں کا شکریہ۔انہوں نے اپنے ٹوئٹ میں کہا کہ بیٹا فی الحال این آئی سی یو میں ہے لیکن رو بہ صحت ہے، اسے اپنی دعاﺅں میں یاد رکھیں۔

یہ بھی پڑھیں: سرکاری افسروں کوبلیک میل کرنے والی حسینہ گرفتار , کتنی نازیبا ویڈیو برآمد ہوئیں؟ جانیے