بلی تھیلے سے باہر آ گئی، اس بجٹ میں غریب کیلئے کچھ نہیں: بیرسٹر گوہر

(24 نیوز)چیئرمین پی ٹی آئی بیرسٹر گوہر نے کہا ہے کہ ہمیں آج ہی بانی پی ٹی آئی تک رسائی چاہیے، بلی تھیلے سے باہر آ گئی، اس بجٹ میں غریب کیلئے کچھ بھی نہیں۔

قومی اسمبلی کے اجلاس میں خطاب کرتے ہوئے انہوں نے کہا کہ سیاسی استحکام ہو گا تو معاشی استحکام آئے گا۔

 یہ ملک ہمارا ہے ہم اس ملک کے ہیں، ہمارے اراکین نا اہل کیے گئے، ہم کس سے شکوہ کریں؟

پی ٹی آئی کے چیئرمین کا کہنا ہے کہ اکتوبر کے بعد ملک کے مقبول ترین لیڈر سے ملاقات نہیں ہو رہی۔

 آپ جواب دیں کہ بانی پی ٹی آئی سے ملاقات کیوں نہیں ہو رہی؟ پہلے بھی وزیرِ اعظم سے بات کی تھی لیکن وزیرِ اعظم نے کہا کہ پوچھ کر بتاؤں گا، اب اگر کوئی جواب آ گیا ہے تو ہمیں بھی بتا دیں۔

مزید پڑھیں:سوشل میڈیا آمدن پر 5 فیصد ود ہولڈنگ ٹیکس عائد

 پارلیمنٹ میں صحافیوں سے گفتگو کے دوران چیئرمین پی ٹی آئی بیرسٹر گوہر نے کہا کہ اس بجٹ میں غریب کے لیے کچھ بھی نہیں۔

 بلی تھیلے سے باہر آ گئی ہے، نہ لوڈشیڈنک کم ہو گی نہ بجلی کی قیمت اور نہ ہی دیگر اشیاء سستی ہوں گی۔

چیئرمین پی ٹی آئی نے کہا کہ حکومت کی شاہ خرچیوں کی کمی کے لیے مکمل مینجمنٹ کی ضرورت ہے۔

 پیپلزپارٹی نے کل درست کہا کہ مسلم لیگ ن کی 3 سیٹیں ہیں، یہ بھی ایسے ہی جیتی ہیں جس طرح کراچی میں میئر شپ کا الیکشن جیتا تھا۔