پی ٹی آئی نے جھنگ، ٹوبہ ٹیک سنگھ اور چینوٹ کیلئے امیدواروں کا اعلان کردیا

(24 نیوز)پاکستان تحریک انصاف (پی ٹی آئی)نے جھنگ، ٹوبہ ٹیک سنگھ اور چنیوٹ کی قومی و صوبائی اسمبلی کیلئے امیدواروں کا اعلان کردیا ۔
جھنگ سے قومی اسمبلی کے حلقے این اے 108 سے صاحبزادہ محبوب سلطان،این اے 109 سے شیخ وقاص اکرم ،این اے 110 سے صاحبزادہ امیر سلطان پی ٹی ائی کے امیدوار ہوں گے۔جبکہ صوبائی اسمبلی کے حلقے پی پی 128 سے کرنل (ر) غضنفر قریشی ،پی پی 129 سے آصف کاٹھیا ،پی پی 130 سے رانا شہباز اور پی پی 131 سے اعظم چیلہ کو ٹکٹ ملی،پی پی 125، پی پی 126 اور پی پی 127 سے پارٹی امیدواروں کا فیصلہ نہ ہو سکا۔
ادھر ٹوبہ ٹیک سنگھ میں صوبائی اسمبلی کے حلقے پی پی 119 سے بلال اصغر وڑایچ ،پی پی 120 سے میاں طارق کو پی ٹی آئی کا ٹکٹ جاری کر دیا گیا،پی پی 121 سے سعید احمد سعیدی ،پی پی 123 سے اشفہ ریاض کوٹکٹ جاری کیا گیا، پی پی 122 اور 124 سے کسی کو ٹکٹ جاری نہیں کیا گیا۔
پی ٹی آئی نے چنیوٹ سے این اے 93 کے امیدوار کا اعلان کردیا،غلام محمد لالی تحریک انصاف کے امیدوار ہونگے،غلام محمد لالی گزشتہ الیکشن میں بھی ایم این اے منتخب ہوئے تھے جبکہ این اے 94 کے امیدوار کا تاحال اعلان نہ ہوسکا۔
چنیوٹ سے بھی تحریک انصاف کے صوبائی اسمبلی کے امیدواروں کا بھی اعلان کردیا،ڈاکٹر سید حسن نواز پی پی 94،میاں شوکت تھہیم پی پی 95،حسین جپہ پی پی 96اورسلیم بی بی بھروانہ پی پی 97 سے امیدوار ہونگی۔

یہ بھی پڑھیں: فرخ حبیب اور شفقت محمود انتخابات سے آؤٹ  الیکشن کمیشن سے بڑی خبر آ گئی