ترکیہ میں وزیرِ انصاف کی تقرری پر پارلیمنٹ میں ہنگامہ آرائی، اراکین دست و گریباں

(ویب ڈیسک)ترکیہ میں  آکن گرلگ کی بطور  وزیرانصاف تقرری کے بعد پارلیمنٹ میں شدید ہنگامہ آرائی دیکھنے میں آئی۔

اپوزیشن جماعتوں نے  آکن گرلگ کی تقرری پر  سخت اعتراض اٹھاتے ہوئے ایوان میں احتجاج کیا اور بعض ارکان دست و گریباں ہوگئے، ایک دوسرے پر لاتوں اور گھونسوں کی بارش کردی۔

اپوزیشن اراکین نے آکن گرلگ کو حلف اٹھانے سے روکنے کی کوشش کی اور مؤقف اختیار کیا کہ ان کی تقرری متنازع ہے۔

A brawl broke out in Turkey's parliament as opposition lawmakers tried to block Justice Minister Akin Gurlek from taking his oath following his controversial appointment https://t.co/DXjjAujvCH pic.twitter.com/9QEUF07ZUa

— Reuters (@Reuters) February 11, 2026

یاد رہے کہ آکن گرلگ اس سے قبل بطور چیف پراسیکیوٹر اپوزیشن کے خلاف کریک ڈاؤن کی قیادت کر چکے ہیں، جس کی وجہ سے ان کی نامزدگی پر سیاسی کشیدگی میں اضافہ ہوا ہے۔

حکومتی ارکان نے صدر اردوان کے فیصلے کا دفاع کرتے ہوئے کہا کہ آکن گرلگ قانون کے مطابق اپنی ذمہ داریاں انجام دیتے رہے ہیں، تاہم اپوزیشن نے اس تقرری کو جمہوری اقدار کے خلاف قرار دیا۔

یہ بھی پڑھیں:ایران سے ڈیل پہلی ترجیح، ورنہ انجام سنگین ہوگا:صدر ٹرمپ