پرویز خٹک کی سیاست سے کنارہ کشی کی خبریں، سینئر سیاستدان نے تردید کردی

(24نیوز)پاکستان تحریکِ انصاف پارلیمنٹیرینز کے سربراہ پرویز خٹک نے پارٹی چیئرمین شپ اور سیاست چھوڑنے کی خبروں کی تردید کر دی۔

تفصیلات کے مطابق پاکستان تحریکِ انصاف پارلیمنٹیرینز کے سربراہ پرویز خٹک نے پارٹی چیئرمین شپ اور سیاست چھوڑنے کی زیرِ گردش خبروں کی تردید کر دی ہے، زیر گردش خبروں میں انتخابات کی ناکامی کو پرویز خٹک کی سیاست اور پارٹی چیئرمین شپ سے مستعفی ہونے کی وجہ بتایا جا رہا تھا۔

یہ بھی پڑھیں: الوداع آئی پی پی، جہانگیرترین کا سیاست چھوڑنے کا اعلان

اس حوالے سے پاکستان تحریکِ انصاف پارلیمنٹیرینز کے سربراہ پرویز خٹک کا کہنا ہے کہ نہ پارٹی چھوڑی ہے اور نہ ہی سیاست سے علیحدہ ہوا ہوں، صرف سیاست سے تھوڑی بریک لی ہے، میرے بارے میں غلط خبریں چلائی جا رہی ہیں، اپنی سیاست جاری رکھوں گا۔