پی ٹی آئی کا 14 اگست کو احتجاج نہ کرنے کا فیصلہ، یومِ آزادی سادگی سے منانے کا اعلان
Stay tuned with 24 News HD Android App
(عثمان خادم کمبوہ) پاکستان تحریک انصاف (پی ٹی آئی) نے یومِ آزادی 14 اگست کو احتجاج نہ کرنے کا فیصلہ کر لیا ہے۔
ذرائع کے مطابق پی ٹی آئی اس وقت احتجاج کرنے کی پوزیشن میں نہیں ہے، پارٹی کے اہم رہنما ، پنجاب کے صدر اور چیف آرگنائزر، منظر عام سے غائب ہیں جبکہ لاہور کی قیادت بھی 5 اگست کے ناکام احتجاج کے بعد کسی نئے احتجاج کی تیاری میں نظر نہیں آ رہی۔
ذرائع کے مطابق بانی پی ٹی آئی کی کال کے باوجود پارٹی قیادت نے 14 اگست کو احتجاج نہ کرنے کا حتمی فیصلہ کیا ہے،اس کے برعکس، پی ٹی آئی نے یومِ آزادی کے موقع پر ورکرز کنونشن کے انعقاد کا اعلان کر رکھا ہے تاہم اب تک اس کنونشن کے لیے حکام کی جانب سے باقاعدہ اجازت نہیں ملی۔
پارٹی ذرائع کا کہنا ہے کہ لاہور اور پنجاب بھر میں پی ٹی آئی کے کارکن اپنے گھروں پر قومی پرچم لہرا کر یومِ آزادی منائیں گے اور سادگی سے جشنِ آزادی کی تقریبات کا حصہ بنیں گے۔
یہ بھی پڑھیں: قومی اسمبلی ہنگامہ خیز اجلاس ، PTI کا بانی سے ملاقات نہ ہونے پر احتجاج، بائیکاٹ