سازشی بیانیہ دفن،عمران خان کا معاہدہ سامنے آگیا

(ویب ڈیسک)امریکی سازش کا بیانیہ دم توڑ گیا ،عمران خان نے امریکا سے تعلقات ٹھیک کرنے کیلئے لابنگ فرم کی خدمات حاصل کرلیں ،معاہدہ بھی سامنے آگیا ۔

نجی ٹی وی  کی رپورٹس کے مطابق  تحریک انصاف  نے 6  ماہ کے لیے 25 ہزار ڈالر ماہانہ پرلابنگ فرم فینٹن آرلوک کی خدمات حاصل  کی ہیں  ، کمپنی پی ٹی آئی کو پبلک ریلیشنز سروسز فراہم کرے گی۔معاہدے کے مطابق  کمپنی آرٹیکلز چھپوانے، پی ٹی آئی نمائندوں اور حمایت کرنے والوں کے ٹی وی انٹرویوزکا اہتمام کرے گی۔وفاقی وزیر احسن اقبال نے  معاہدے کی تفصیلات ٹوئٹر پر شیئر کردیں ۔

شرم تم کو مگر نہیں آتی!
قوم میں امریکہ کیخلاف سازش تھیوری گھڑ کے ہیجان پیدا کیا ہوا ہے خود امریکہ سے ترلوں اور معافیوں پہ اترا ہوا ہے۔پہلے ایلچی بھیجے، پھر سفیر سے خود منت سماجت کی اور اب lobbyist رکھ کے معافی تلافی پہ کام ہو رہا ہے۔اس کپتان کے کتنے چہرے ہیں کمپیوٹر بھی پریشان ہے pic.twitter.com/G57EnL7d7t

— Ahsan Iqbal (@betterpakistan) August 12, 2022

یاد رہے پاکستان تحریک انصاف کے چیئرمین عمران خان نے اپنی حکومت ختم کیے جانے پر کہا تھا کہ میری حکومت ختم کرنے کیلئے امریکا نے سازش کی ۔آج تک وہ اسی بیانیے کو لے کر چل رہے ہیں ۔