بھکارن مرنے کے بعد 90لاکھ روپے کی مالکن نکلی

(ویب ڈیسک)کچھ لوگ حالت سے کچھ نظر آتے ہیں تو حقیقت میں کچھ اور ہوتے ہیں ،ایسی ہی ایک خاتون کے بارے میں انکشاف ہوا ہے جو شکل سے تو بھکارن نظر آتی تھی لیکن وہ جب فوت ہوئی تو اس کی ملکیت میں90 لاکھ روپے روپے نکلے۔یہ عورت کون تھی ؟

عرب میڈیا کی ایک رپورٹ کے مطابق جنوبی مصر میں عبدالجلیل نامی بھکارن سڑکوں اور گلیوں میں بھیک مانگ کر اپنا گزر بسر کرتی تھی تاہم چند روز قبل بھکارن انتقال کرگئی۔بھکارن کی مالی تنگی کو سامنے رکھتے ہوئے انتقال کے بعد  اس کی تدفین کے اخراجات کا انتظام وانصرام بھی پڑوسیوں نے کیا تھا۔

 ضرور پڑھیں :معروف فلمی ہیرو سنتوش کمار کو بچھڑے 41 برس بیت گئے
رپورٹ کے مطابق عبدالجلیل کے انتقال کے 10 روز بعد  جب اس کے مکان کی تلاشی لی گئی تو  صحن میں چھپائے گئے ایک تھیلے سے 10 لاکھ دھاتی سکوں اور نوٹوں کی صورت مصری پاؤنڈز نکل آئے جسے بعد میں ان کے بہن بھائیوں میں تقسیم کردیا گیا۔