نرم اور جوسی تکے بنانے کی آسان ترکیب

(ویب ڈیسک)اگر آپ چاہتے ہیں کہ چکن تکے باہر سے ہلکے سنہری، اندر سے نرم، رسیلے اور ہر نوالے میں بھرپور ذائقہ لیے ہوں، تو میرینیشن اور درست آنچ سب سے اہم راز ہیں، اس آسان ترکیب سے آپ گھر پر ہی ریسٹورنٹ سٹائل جوسی تکے تیار کر سکتے ہیں۔

اجزاء: چکن بون لیس: 1 کلو،دہی: 200 گرام (گاڑھا)،ادرک لہسن پیسٹ: 2 کھانے کے چمچ،لیموں کا رس: 2 کھانے کے چمچ،لال مرچ پاؤڈر: 1 چائے کا چمچ۔

کشمیری لال مرچ: 1 چائے کا چمچ،نمک: 1½ چائے کا چمچ،بھنا ہوا زیرہ پاؤڈر: 1 چائے کا چمچ،دھنیا پاؤڈر: 1 چائے کا چمچ،گرم مصالحہ: ½ چائے کا چمچ۔

کالی مرچ: ½ چائے کا چمچ،سرسوں کا تیل یا گھی: 2 کھانے کے چمچ۔

بنانے کا طریقہ: تمام مصالحے، دہی، لیموں کا رس اور تیل ملا کر میرینیڈ تیار کریں۔

چکن کو اس میں اچھی طرح ڈبو کر کم از کم 4 سے 6 گھنٹے، بہتر ہے پوری رات فریج میں رکھ دیں۔

تکوں کو سیخ میں پروئیں یا گرل ٹرے پر رکھیں۔

درمیانی آنچ پر 15 سے 20 منٹ پکائیں اور درمیان میں ایک بار گھی یا مکھن لگا دیں۔

آخر میں 2 سے 3 منٹ تیز آنچ پر پکائیں تاکہ  ہلکی سی سنہری تہہ بن جائے۔

رسیلے تکوں کے 3 راز:چکن تھائی (Boneless Thigh) استعمال کریں، یہ بریسٹ کے مقابلے میں زیادہ جوسی رہتا ہے۔

میرینیشن کا وقت کم نہ رکھیں، کم از کم 4 گھنٹے ضرور دیں۔

زیادہ دیر نہ پکائیں، ورنہ چکن خشک ہو جائے گا۔

گرم گرم تکے پودینے کی چٹنی، سلاد اور نان کے ساتھ پیش کریں۔