عمران خان کی بڑی کامیابی، اہم شخصیات تحریک انصاف میں شامل

(ملک اشرف) پنجاب میں انتخابات سے قبل عمران خان کو بڑی کامیابی مل گئی۔ چوہدری بابر وحید ایڈوکیٹ نے وکلاء کی بڑی تعداد کے ہمراہ پی ٹی آئی میں شمولیت حاصل کرلی۔

چیئرمین تحریک انصاف عمران خان سے میاں اسلم اقبال کی موجودگی میں نامور وکلاء نے زمان پارک میں خصوصی ملاقات کی۔ تیسری مرتبہ پنجاب بار کونسل کے ممبر بننے والے چوہدری بابر وحید نے ساتھیوں سمیت زمان پارک میں تحریک انصاف میں شمولیت کا اعلان کیا۔

چیئرمین تحریک انصاف عمران خان سے میاں اسلم اقبال کی موجودگی میں نامور وکلاء کی زمان پارک میں خصوصی ملاقات

تیسری مرتبہ پنجاب بار کونسل کے ممبر بننے والے چوہدری بابر وحید کی ساتھیوں سمیت زمان پارک آمد اور تحریک انصاف میں شمولیت کا اعلان

صدر سانگلہ ہل بار محمد عمران مشتاق بٹالوی،… pic.twitter.com/gC4z2LaPHe

— PTI (@PTIofficial) April 11, 2023

شمولیت اختیار کرنے والوں میں صدر سانگلہ ہل بار محمد عمران مشتاق بٹالوی، سیکرٹری سانگلہ ہل بار خضر حیات، سابق صدر سانگلہ ہل بار علی حیدر چٹھہ، نائب صدر سانگلہ ہل بار محمد احمد، نائب صدر لاہور بار میاں شرجیل، چوہدری غلام مرتضی، سابق نائب صدر لاہور بار ندیم ضیاء بٹ، ایڈووکیٹ ہائی کورٹ عدیل اصغر ہاشمی، ملک بابر حسین، حمزہ ساجد چوہدری، زبیر علی اور میاں زبیر وحید شامل ہیں۔

وکلا برادری نے ملک میں آئین کی بالادستی، قانون کی حکمرانی، عدلیہ کی آزادی و خود مختاری اور جمہوریت کے تحفظ و استحکام کے حوالے سے چیئرمین تحریک انصاف عمران خان کے مؤقف کی مکمل تائید کا اعلان کیا۔