دو سالہ بچہ سانپ سے کھیلتے ہوئے ، ویڈیو وائرل
Stay tuned with 24 News HD Android App
(مانیٹرنگ ڈیسک) سوشل میڈٰیا پر دو سالہ بچے کی سانپ سے کھیلنے کی ویڈیو وائرل ہورہی ہے بچہ بلا خوف و خطر سانپ کو دم سے پکڑ کر کھینچ رہا ہے۔
تفصیلات کے مطابق سانپ کو دُم سے پکڑ کر کھیلنے والا دو سالہ بچہ بینجو دراصل مگرمچھوں کی دیکھ بھال کرنے والے میٹ رائٹ کا بیٹا ہے جو گزشتہ بیس سالوں سے پوری شمالی آسٹریلیا میں دیوہیکل رینگنے والے جانوروں کو پکڑتے ہیں۔
حال ہی میں رائٹ نے اپنے کمسن بیٹے کو دو میٹر لمبے سانپ کا استعمال کرتے ہوئے اسے بھی یہی فن سکھانے کا فیصلہ کیا اور کمسن بیٹے کی سانپ کے ساتھ کھیلنے کی ویڈیو شیئر کی،ویڈیو میں دیکھا جاسکتا ہے کہ چھوٹا بچہ بلا کسی خوف کے لان میں سانپ کو دم سے پکڑ کر کھینچ رہا ہے۔
View this post on Instagram
ویڈیو میں رائٹ کو کمسن بیٹے سے یہ کہتے ہوئے سنا جاسکتا ہے اسے باہر نکالو، اسے جھاڑیوں کی طرف کھینچ لو، دھیان سے دیکھو وہ تمہیں کاٹ لے گا، رائٹ نے بیٹے کو سانپ کو دم سے پکڑنے کا مشورہ بھی دیا۔
بچے کی ویڈیو سوشل میڈیا پر تیزی سے وائرل ہورہی ہے اور اسے اب تک لاکھوں صارفین دیکھ چکے ہیں، ویڈیو کو فیس بک اور ٹویٹر پر بھی شیئر کیا گیا۔
رپورٹ کے مطابق میٹ رائٹ ’مونسٹر کروک رینجر‘ کے نام سے ٹی وی پر پروگرام کرتے ہیں جہاں وہ مگرمچھوں کو آسانی سے سنبھالتے ہوئے دیکھے جاتے ہیں۔
یہ بھی پڑھیں: آریان خان کو جیل میں کیسا کھانا مل رہا ہے؟