چین کا دفاعی امتحان کامیاب، آبدوز سے میزائل فائر

   (24 نیوز) چین نے آبدوز سے اسٹریٹجک میزائل چلانے کا کامیاب تجربہ کر لیا ہے۔

چینی سرکاری خبر ایجنسی کے مطابق ڈمی وارہیڈ سے لیس تجرباتی میزائل بحرالکاہل میں مقررہ مقام پر گرا، میزائل تجربہ معمول کی فوجی تربیتی پروگرام کا حصہ تھا۔

خبر ایجنسی کا کہنا ہے کہ تجربہ بین الاقوامی قوانین کے مطابق کیا گیا، تجربے سے متعلق متعلقہ ممالک کو پیشگی اطلاع دے دی گئی تھی۔

چینی سرکاری خبر ایجنسی کا بتانا ہے کہ تجربے میں کسی خاص ملک یا ہدف کو نشانہ نہیں بنایا گیا۔

مزید پڑھیں:ویڈیو:مشہور یورپین آتش فشاں ماؤنٹ ایٹنا دوبارہ جاگ اٹھا

اس حوالے سے جاپان کا کہنا ہے کہ ہمیں ٹیسٹ سے متعلق آگاہ کر دیا گیا تھا تاہم ہم نے چین سے اس معاملے پر نظرثانی کا کہا تھا ۔

 آسٹریلیا کے وزیر خارجہ پینی وونگ کا کہنا ہے چین نے ٹیسٹ سے متعلق آگاہ کر دیا تھا تا ہم بلیسٹک میزائل ٹیسٹ خطے کے لیے عدم استحکام کا باعث ہے۔