لاہور کے نوسر بازوں نے لوٹ مار کا نیا طریقہ ڈھونڈ لیا ، جان کر آپ حیران رہ جائیں گے

(اسرار خان)صوبائی دارالحکومت لاہور میں نوسر بازوں نے لوٹ مار کا نیا طریقہ ڈھونڈ لیا ۔ ٹائر پنکچر شاپ سے ٹائر تبدیل کروانے کے بہانے اوزار لے کر فرار ہونے لگے ۔ ڈولفن سکواڈ نے تعاقب کے بعد واردات میں ملوث 2 ملزمان کو  نادر آباد سے گرفتار کر لئے۔سٹی 42 نے ملزموں کی نوسر بازی کی سی سی ٹی وی بھی حاصل کر لی ۔

سی سی ٹی وی کی فوٹیج میں دیکھا جا سکت ہے کہ کار سوار ملزمان ڈیفنس کی ایک ٹائر پنکچر شاپ سے اوزار گاڑی کی ڈگی میں رکھواتے دکھائی دیتے ہیں ۔ دکان ملازم کے گاڑی میں بیٹھنے سے پہلے ہی ملزمان گاڑی بھگا کر لے جاتے ہیں ۔ متاثرہ دکاندار کی جانب سے ون فائیو کال پر اطلاع ملی تو ڈولفن سکواڈ نے کار سوار ملزموں کو تعاقب کے بعد گرفتار کر لیا ۔ ترجمان ڈولفن سکواڈ کے مطابق گرفتار ملزموں کی شناخت زوہیب اور احمد کے نام سے ہوئی، جن سے اوزار برآمد کر لئے گئے ۔ تاہم گرفتار ملزموں کو قانونی کارروائی کے لئے چوکی نادر آباد پولیس کے حوالے کر دیا گیا ہے ۔

یہ بھی پڑھیں:ریتا نہ شوہر کی رہی اور نہ ہی عاشق کی۔۔ چچازاد دیور بھارتی خاتون سے زیادتی کرکے فرار