ٹرمپ نے بھارت پر مزید 25 فیصد ٹیرف لگا دیا، اضافی پابندیاں بھی عائد
ٹرمپ کا مودی کو ایک اور بڑا جھٹکا، مزید ٹیرف عائد ، اضافی پابندیاں بھی لگا دیں
Stay tuned with 24 News HD Android App
(24نیوز) بھارتی میڈیا کے مطابق ڈونلڈ ٹرمپ کی جانب سے مزید 25 فیصد ٹیرف لگائے جانے کے بعد بھارت پر مجموعی امریکی ٹیرف 50 فیصد ہو گیا۔
وائٹ ہاؤس کے مطابق صدر ٹرمپ نے ایگزیکٹو آرڈر کے ذریعے بھارت پر 25 فیصد اضافی ٹیرف عائد کیا، ڈونلڈ ٹرمپ کا کہنا تھا کہ بھارت کو روس سے تیل خریدنے کی قیمت چکانا ہوگی۔
ایگزیکٹو آرڈر کے مطابق ہندوستان سے امریکہ میں درآمد کی جانے والی اشیا پر 25 فیصد اضافی درآمدی ڈیوٹی عائد ہوگی۔
وائٹ ہاؤس کے مطابق بھارت سے درآمد تمام اشیاء پر اضافی ڈیوٹی عائد کرنا ضروری اور مناسب ہے، بھارت دنیا میں سب سے زیادہ ٹیرف وصول کرتا ہے۔
صدر ڈونلڈ ٹرمپ نے ایگزیکٹو آرڈر میں کہا کہ مجھے معلوم ہوا ہے کہ حکومت ہند فی الحال براہ راست یا بالواسطہ طور پر روسی فیڈریشن کا تیل درآمد کر رہی ہے،اس کے مطابق، اور قابل اطلاق قانون کے مطابق امریکہ کے کسٹم علاقے میں درآمد شدہ ہندوستانی اشیاء پر 25 فیصد ڈیوٹی کی اضافی قیمت کی شرح سے مشروط ہوں گے۔
ٹرمپ نے گزشتہ ہفتے کہا تھا کہ ہندوستان روس سے فوجی سازوسامان اور توانائی کی خریداری پر "جرمانہ" کے علاوہ 25 فیصد ٹیرف ادا کرے گا، اس وقت یہ واضح نہیں تھا کہ اس طرح کی سزا کیسی ہوگی۔
یہ بھی پڑھیں : این اے 129 ضمنی الیکشن ، آر او آفس نے حماد اظہر کے کاغذات نامزدگی واپس کر دیئے