گھریلو ملازمہ پر تشدد، وائرل ویڈیو پر فردوس عاشق اعوان کا موقف سامنے آگیا

(24نیوز) گھریلو ملازمہ پر تشدد کے حوالے سے ہونے والی وائرل ویڈیو پر فردوس عاشق اعوان کا موقف سامنے آگیا۔ اُن کا کہنا ہے کہ ملازمہ پر کسی قسم کا کوئی تشدد نہیں ہوا بلکہ یہ ایک جرائم پیشہ گروہ تھا۔

استحکام پاکستان پارٹی فردوس عاشق اعوان نے وائرل ویڈیو سے متعلق کہنا ہے کہ  براہ کرم ایسے بے بنیاد الزامات لگانے سے گریز کریں، کسی قسم کا کوئی تشدد نہیں ہوا۔

یہ ایک جرائم پیشہ گروہ تھا جو 3 کے گروپ میں گھروں میں کام کرتے ہیں اور چوریاں کرکے فرار ہوجاتے ہیں، انکو ہم نے رنگے ہاتھوں پکڑا۔ انکے خلاف اسلام آباد تھانے میں درخواست جمع کروا دی ہے۔ 

براہ کرم ایسے بے بنیاد الزامات لگانے سے گریز کریں، کسی قسم کا کوئی تشدد نہیں ہوا۔

یہ ایک جرائم پیشہ گروہ تھاجو 3 کے گروپ میں گھروں میں کام کرتے ہیں اور چوریاں کرکے فرار ہوجاتے ہیں، انکو ہم نے رنگے ہاتھوں پکڑا۔ انکے خلاف اسلام آباد تھانے میں درخواست جمع کروادی ہے۔

درخواست کے… https://t.co/dvtzCwIcgE

— Dr. Firdous Ashiq Awan (@Dr_FirdousAwan) August 5, 2023

اُن کا مزید کہنا تھا کہ درخواست کے دوران یہ پتہ چلا کہ اس گروپ کے خلاف پہلے بھی چوری کی ایف آئی آر درج ہے۔ ہمارے میڈیا کو ایسی قیاس آرائی سے پہلے ہم سے موقف لے لینا چاہئے،

مزید پڑھیں: فردوس عاشق اعوان کا گھریلو ملازمہ پر تشدد، ویڈیو سامنے آگئی

یاد رہے کہ وائرل ویڈیو میں فردوس عاشق اعوان کا  کسی بات پر اپنی ملازمہ سے جھگڑا کرتے ہوئے کہنا تھا کہ میں تمہیں پولیس کے حوالے کرتی ہوں، اسی دوران وہاں موجود شخص کہتا ہے کہ  چلیں آپ پولیس کے حوالے کر دو،آپ نے ہمارے سامنے تھپڑ مارا ہے،اس پر فردوس عاشق کہتی ہیں کہ ہاں  اس نے جھوٹ بولا ہے،اس لئے تھپڑ مارااسی دوران اُنہون نے اپنی  ملازمہ کو گالیاں بھی دی۔بحث و تکرار  کی ویڈیو سوشل میڈیا پر وائرل ہو گئی۔