اڈیالہ جیل کے باہر علیمہ خان پر انڈہ پھینک دیا گیا

 (ارشاد قریشی ) اڈیالہ جیل کے باہر  میڈیا سے گفتگو  کے دوران عمران خان کی بہن علیمہ خان پر انڈہ پھینک دیا گیا۔

آج اڈیالہ جیل کے دوران عمران خان کی بہن علیمہ خان  میڈیا سے گفتگو کررہی تھیں کہ اس وقت ان پر  دو انڈے پھینکےگئے۔ 

گفتگو کے دوران ایک انڈہ علیمہ خان کو لگا جس کے بعد پارٹی کارکنان نے شور شرابہ شروع کردیا اور پولیس نے موقع سے 2 لڑکیوں کو حراست میں لے کر اڈیالہ چوکی منتقل کردیا۔

  یہ بھی پڑھیں:گرج چمک کے ساتھ مزید بارشیں، الرٹ جاری

ترجمان راولپنڈی پولیس کے مطابق انڈہ پھینکنے والی خواتین کا تعلق پی ٹی آئی سے ہے۔

Aleema Khan was egged on the face during a media talk...#aleemakhan#imrankhan#pti#MaryamNawaz pic.twitter.com/rpL3ZZCa1H

— Moosa (@ImMoss0) September 5, 2025

اس سے قبل علیمہ خان سے تلخ سوالات پوچھنے پر پی ٹی آئی کارکن مشتعل ہوئے اور اس موقع پر پی ٹی آئی رہنما  سیمابیہ طاہر نے شور شرابا بھی کیا جب کہ علیمہ خان سوالات کا جواب دیے کے بجائے گاڑی میں جاکر بیٹھ گئیں۔ 

صحافیوں سے گفتگو میں علیمہ خان کا کہنا تھا کہ ہوا بدلی ہے، لوگوں کا غصہ اور ان کا خوف دیکھ لیں، لوگ ظلم قبول نہیں کریں گے، پولیس والے ہمیں کہہ رہے ہیں ہم تنگ پڑ گئےہیں۔

Aleema Khan was beaten by two girls, who fled in a car after the attack, but were caught by the police!! pic.twitter.com/6XNOmM5Sdu

— Sardar Saqlain Nahra (@SardarNahra) September 5, 2025

انہوں نے کہا کہ لوگ 8 فروری کو کھڑے ہوئے تھے، آج بھی کھڑے ہیں، عمران خان  جمہوریت اور قانون کی حکمرانی کی بات کرتے ہیں جب کہ یہ لوگ بانی پی ٹی آئی کی آواز بند کرنا چاہتے ہیں۔