امریکا: متعدد افراد کی بیکری میں گھس کر لوٹ مار، ویڈیو وائرل

(ویب ڈیسک) امریکی ریاست کیلیفورنیا میں واقعہ پیش آیا ہے جہاں متعدد افراد  ایک بیکری میں گھس کر تھوڑ پھوڑ کرنے کے بعد کھانا اور نقد رقم لوٹ کر فرار ہو گئے۔

اس واقعے کی ویڈیو سوشل میڈیا پر وائرل ہو گئی ہے جس میں دیکھا جاسکتا ہے کہ ایک سفید رنگ کی گاڑی ٹکر مار کر ایک بیکری کا دروازہ توڑتی ہے پھر ہوڈیز اور ماسک پہنے سینکڑوں افراد بیکری میں گھس جاتے ہیں جو کہ بیکری سے کھانا، لوٹری ٹکٹس اور نقد رقم لے کر فرار ہو جاتے ہیں۔

Damn pic.twitter.com/TVRZ0nMLCj

— Clown World ™ ???? (@ClownWorld_) January 3, 2024

امریکی حکام کے مطابق یہ واقعہ روبنز بیکری اور میکسیکن فوڈ انک کے باہر پیش آیا۔ جائے وقوعہ پر جب پولیس پہنچی تو انہوں نے کئی لوگوں کو وہاں سے بھاگتے ہوئے دیکھا۔

مزید پڑھیں: پنجاب میں شدید دھند ، آج بھی 25 پروازیں منسوخ

رپورٹ کے مطابق اس واقعے میں بیکری کے مالک کا کو تقریباَ 20 ہزار ڈالرز  کا نقصان ہوا ہے۔

رپورٹ میں یہ بھی بتایا گیا ہے کہ امریکی پولیس اس واقعے کی تفتیش کر رہی ہے تاکہ مجرموں کو پکڑا جا سکے۔