’’گولی مار دیں گے‘‘ کی دھمکی، طیارے میں اچانک خوف و ہراس پھیل گیا، ویڈیو وائرل

(24 نیوز)میلبورن سے دوحہ جانے والی قطر ایئرویز کی پرواز میں 2 مسافروں نے مبینہ طور پر ہنگامہ آرائی کرتے ہوئے بندوق رکھنے اور مسافروں کو گولی مارنے کی دھمکی دے دی، جس کے بعد عملے اور دیگر مسافروں نے دونوں افراد کو قابو کرکے نشستوں سے باندھ دیا۔

بین الاقوامی میڈیا کے مطابق واقعہ جمعے کو ورجن آسٹریلیا کی پرواز وی اے 7 میں پیش آیا جو قطر ایئرویز کے زیر انتظام میلبورن سے دوحہ جارہی تھی۔

Major Security Incident on Qatar Airways Melbourne to Doha Flight. Two men claiming to have a gun became aggressive during the flight on Friday afternoon. They allegedly assaulted multiple people, several brave passengers intervened and used zip ties to restraint them. The men were arrested once landing safely in Doha.

— Pacific Wire (@JMChyno) September 13, 2026

 عینی شاہدین کے مطابق ٹیک آف کے کچھ دیر بعد دونوں افراد بے چین اور مشتعل دکھائی دینے لگے، وہ طیارے میں ادھر ادھر گھومتے اور سامان رکھنے والی الماریوں کی تلاشی لیتے رہے۔

 رپورٹ کے مطابق دوحہ پہنچنے سے تقریباً 6 گھنٹے قبل دونوں مسافروں کے رویے میں اچانک شدت آگئی اور وہ آپس میں جھگڑنے کے ساتھ طیارے میں چیخ پکار کرنے لگے۔

 اس دوران انہوں نے دعویٰ کیا کہ ان کے پاس بندوق ہے اور وہ لوگوں کو گولی مار دیں گے۔