قصورمیں بیکری مالک اور ملازم کا بے رحمی سے قتل
Stay tuned with 24 News HD Android App
(24 نیوز ) تھانہ بی ڈویژن کے علاقے سراج دین محلہ میں دہرے قتل کی ایک لرزہ خیز واردات سامنے آئی ہے جہاں نامعلوم افراد نے ایک بیکری کے مالک خلیل اور اس کے ملازم کو انتہائی بے دردی سے قتل کر دیا۔
پولیس کے مطابق سفاک ملزمان نے دونوں افراد کی شہہ رگیں کاٹ کر سر جسم سے جدا کر دیے۔ اس کے بعد لاشوں کے ٹکڑے کر کے ایک ٹب میں بند کر دیا گیا اور بیکری کو باہر سے تالا لگا کر فرار ہو گئے۔
علاقے میں شدید بدبو پھیلنے پر اہل علاقہ نے پولیس کو اطلاع دی, پولیس فوری طور پر موقع پر پہنچی اور تالا توڑ کر بیکری میں داخل ہوئی, اندر سے دونوں افراد کی مسخ شدہ لاشیں برآمد کر لی گئیں, کرائم سین یونٹ کی ٹیم نے بھی جائے وقوعہ پر پہنچ کر شواہد اکٹھے کیے۔
پولیس کے ابتدائی اندازے کے مطابق دونوں افراد کو ممکنہ طور پر دو دن قبل قتل کیا گیا تھا، لاشوں کو پوسٹ مارٹم کے لیے ہسپتال منتقل کر دیا گیا ہے۔ پولیس نے مقدمہ درج کر کے تفتیش کا آغاز کر دیا ہے۔
یہ بھی پڑھیں :یو اے ای میں نئے ڈرائیونگ لائسنس کے اجرا کیلئے فیسوں کا اعلان