این ڈی ایم اے نے ملک بھر میں مون سون بارشوں سے ہونے والے جانی و مالی نقصانات کی تفصیلات  بتا دیں

(روزینہ علی) این ڈی ایم اے نے ملک بھر میں مون سون بارشوں سے ہونے والے جانی و مالی نقصانات کی تفصیلات  بتا دیں۔  گذشتہ 24 گھنٹے کے دوران 1 شخص  جاں بحق، 3 زخمی ہوئے۔

 این دی ایم اے نے بتایا ہے کہ 26 جون سے اب تک مجموعی طور پر 17 افراد ہلاک ہوئے اور 41 افراد زخمی ہوئے ہیں۔مرنے والوں میں 8 بچے، 5 مرد اور 4 خواتین شامل ہیں ۔

خیبرپختونخوا میں 9،پنجاب میں 4،بلوچستان میں 4 افراد  ہلاک ہوئے۔    خیبرپختونخوا میں 26، بلوچستان میں 6، پنجاب میں 9 افراد زخمی ہوئے

اب تک 88 گھروں کو نقصان پہنچا۔163 مویشی سیلاب کی نذر ہوئے۔

بارشوں سے ساڑھے 5 کلو میٹر سڑکوں اور 2 پلوں کو نقصان پہنچا۔

یہ بھی پڑھیں: دس فیصد کو مفت تعلیم نہیں دے سکتے تو سکول بند کر دیں، اسلام آباد ہائی کورٹ کا پرائیویٹ سکولوں کے مالکان کو سخت انتباہ