بھارت: گروگرام میں بارش کے بعد شدید ٹریفک جام، 7 کلو میٹر تک گاڑیوں کی قطاریں
Stay tuned with 24 News HD Android App
(ویب ڈیسک )بھارتی شہر گروگرام میں چند گھنٹوں کی بارش کے بعد شہر سے گزرنے والے ہائی وے پر پانی جمع ہونے سے سیکڑوں گاڑیاں گھنٹوں تک ٹریفک میں پھنسی رہیں۔
بھارتی میڈیا کے مطابق پیر کے دن دہلی کے قریب واقع شہر گروگرام میں 3 گھنٹے تک بارش ہوتی رہی جس سے مختلف علاقوں میں پانی جمع ہوگیا۔
رپورٹ کے مطابق بارش کے پانی کے باعث دہلی-جے پور ہائی وے پر بھی ٹریفک جام ہوگیا اور پھر یہ ٹریفک جام کئی گھنٹوں تک جاری رہا، 6 سے 7 کلومیٹر تک سیکڑوں گاڑیوں گھنٹوں تک ٹریفک میں پھنسی رہیں۔
The #gurgram #Gurgaon gridlock. The #GurgaonRains #GurugramRains light and sound show. What a prelude to disney land. #gurugramrain #gurugramtraffic #gurugram_news @TrafficGGM @cmohry @NayabSainiBJP pic.twitter.com/9CZVvBF9jR
— Sumedha Sharma (@sumedhasharma86) September 1, 2025
گروگرام میں اس طویل ٹریفک جام کی ویڈیوز سوشل میڈیا پر وائرل ہیں اور بھارتی شہری اس اذیت ناک ٹریفک جام پر اپنی حکومت کو تنقید کا نشانہ بنارہے ہیں۔
اس حوالے سے بھارتی محکمہ موسمیات کا کہنا ہے کہ پیر کی سہ پہر 3 بجے سے شام 7 بجے تک 100 ملی میٹر سے زیادہ بارش ریکارڈ کی گئی جب کہ آج مزید بارش کی پیشگوئی کی گئی ہے۔